網民熱話｜香港地寸金尺土，大部分人都是乘搭巴士或者地鐵上班。但你是否想過帶軚盤上車？近日有網民在Facebook「好fashion呀你」討論區分享一則影片。影片中一名港男自備紙製軚盤，隨著巴士轉彎扭動手上軚盤。
自備軚盤搭巴士？
近日，有網民在Facebook「好fashion呀你」討論區分享一則影片，表示自己搭巴士途中遇到一名港男自備軚盤，隨著巴士轉彎，隨即扭動手上的軚盤，猶如自己揸緊車！
圖片：Facebook「好fashion呀你」截圖
網民熱話｜港男自備軚盤搭巴士：網民「快樂其實可以好簡單」 附巴士車長招聘詳情
網民留言： 快樂其實可以好簡單
不少網民在影片下留言，均認為港男自得其樂，是件好事！
「快樂其實可以好簡單」
其他精選留言：
- 「好欣賞佢既學習態度」
- 「每人都有自己喜歡做的事情，不打擾其他人就ok,何必下下戴智障眼鏡睇人標籤人哋係唔正常呢？」
- 「自得其樂」
- 「幾Cute 吖」
考車前自行模擬？
有網民表示自己考車牌前也有幻想過模擬揸車的情景，只是不敢真正行動：
「其實我學車時都有坐這個位幻想過，不過只係用腦想像轉軚，沒有真正行動，呢位仁兄，其實唔介意別人目光，不時坐車都實習，如果成功考到牌，比人笑又有乜所謂。」
- 「考車前自行模擬，你知唔知出面租車街鐘操幾百蚊一個鐘，考前操十個八個鐘都未必熟。大部分都會係車幻想，但佢為求更真實放低面子做埋出黎啫」
不少網民認真觀看過影片
也有網民對於港男的駕駛技術作出評價：
- 「回軚遲咗喎」
- 「佢又揸得唔錯喎」
- 「咁樣回呔法。。 撞咗啦」
看來真的有不少網民認真觀看過影片！
運輸署排期：平均268日
駕駛考試排期考車的問題一直惹人詬病，根據運輸署的駕駛考試輪候時間，現時尾期已排到2024年8月尾，輪候時間平均268日。直至2023年7月5日，輕型貨車合併試的及格率為26%，私家車為30%。最低及格率的是小型巴士，只有16%。
考車程序：
- 考車前先去運輸署(長沙灣政府合署二樓)報名，填寫2張申請表格 ($510駕駛考試申請 TD82 & $548學牌申請 TD555)
- 報名後會收到排期信、《道路使用者守則》、學牌
- 筆試20分鐘，一共20條MC題，需答對16條才合格，成績會即場通知
- 筆試合格後就可以搵師傅/駕駛學院學車，根據運輸署建議30小時路面實習之後考路試
- 乙部及丙部 (合併試) 均合格，就可以申請P牌
- 持有P牌1年後就可以申請正式車牌
車長招聘
城巴每月都有車長招聘，職責如下：
- 為顧客提供安全
- 可靠及愉快的旅程保持微笑
- 提供高質素之客戶服務
- 確保乘客繳付足夠車資
- 向顧客推介公司產品及服務
*更多資訊可留意官方網站
