【投資入門】有讀者問：沽空係咩意思？巴菲特主張長線投資，點解都會做衍生工具投資嘅？你認為Bitcoin最終會普及應用嗎，現在Bitcoin似唔似股市中嘅階段二嘅時期？...
理財個案：股票沽空是什麼？
龔sir，請教一下
- 沽空係咩意思？
- 「巴郡在第3季投資及衍生工具虧損235.28億美元，當中出現了241億美元的股權未變現的投資虧損，主因是被其持有的重倉股蘋果公司(Apple Inc.)股份所拖累；Apple股價第3季下跌了11.7%。」
關於以上呢段新聞，有兩個問題
- 巴菲特主張長線投資，點解都會做衍生工具投資嘅？
- 佢虧損左235億，但有241億係股權未變現的投資係咩意思，點解仲多咗？
- 你認為Bitcoin最終會普及應用嗎，現在Bitcoin似唔似股市中嘅階段二嘅時期？
龔成老師弟析︰並不是所有股票都能沽空
沽空，即是你手上無貨，賣出，等股價跌先再買入，能在跌市中獲利。要注意，並不是所有股票都能沽空的，而具體的操作方法：
- 第一，先問證券行借貨，
- 第二，賣出股票，
- 第三，到某個位買入股票，
- 第四，將貨還翻比證券行。
要留意，沽空都有一定的風險，如果賣出股票後，股價持續上升，就要以一個很高的位買入，將會出現很大的虧損。
沽空都有一定的風險
- 其實佢而部份架損失，極大部份係來自未實現的投資損失，即係佢持有資產數字上減損，而唔係因為衍生工具損手。
- 股權未變現，就係指未實現的投資損失，即係股價跌左，但未賣，無真金白銀咁蝕左。
佢都似第二階段，因為風險係高，但由於已經有好多大機構和國家參與，失敗率已經少左好多，但整體不確定仲係好大，有機會大升或大跌。
普及化是好複雜的議題
至於普及化，其實係一個好複雜的議題。如何去定議「普及化」(例如全世界政府都比用、定係主流國家散戶比參與投資、還是大部份人已經會用佢做日常消費)、而所謂普及係講緊當比特幣係投資品/生活交易媒介/定商品看待?
所以，成件事係好複雜，好難3言2語講得清。
幾年前比特幣、區塊鏈、去中心化等市場的願景想法，因為唔少政府參與左，某程度上已經變左質(即係長遠人去用比特幣架誘因，有可能會細左)。
風險依然好高
長線發展成點無人知，不過佢未來能夠成為其中一種主流的投資或交易工具，機會係明顯大左。而且，現時真正會投資(甚至認識)加密貨幣架人都仲係好少，造就左一些潛在倍升機會。不過，佢成功率大咗，但同時風險依然好高。
我之前講「投資可以，但只能小注，用一個輸左都唔會影響自己的金額投資」，這個建議到現在都維持不變。
更多理財方法及股票投資入門內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
