【理財個案】讀者：Hello 龔sir，我持有以下3隻美股，由於它們多年來一直虧損，我想賣掉它們。你能建議我是否應該賣出嗎？
理財個案｜持3隻美股多年一直虧損
- ARKK
- Zoom (ZM)
- HYLN
龔成老師分析︰有2個核心性的錯誤
首先，你現時投資知識和技巧，有唔少要優化的空間。在你提問當中，有2個核心性的錯誤。你要明白一個概念，我地持有一隻股票與否，關鍵位是企業質素、前景，不要被買入價影響。
1. 買入價已經係一個沉沒成本
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
2. 買入一隻股票 一定要識用平貴去做決定
很多坊間投資者都會犯左一個錯誤，就係買左貴貨。令到自己就算買中優質股，但長線組合依然係輸錢。其實投資，唔係單單買入隻優質股，之後長線持有，就會出現理想回報。
投資知識(分析股票性質和優質度)、估值能力(定平貴能力)、組合配置/平衡性、年紀/風險承受力等因素，都會影響到長線組合回報效益。
VOO和QQQ已經去到風險唔細水平
現時美股其實唔平，VOO和QQQ已經去到一個風險唔細的水平。當然，唔代表佢唔會再升，但下行機會和空間就明顯大得多。所以，你就算想入，最多都係小小注好了。
現持3隻美股係高風險類
其實你買入的3隻股票，唔係無投資價值，但佢地本身都係高風險類股份。如果發展不似預期，就會出現好明顯架回調。加上，從你發問的方向，我估計你好多機會，係在它們被市場熱炒，好多新聞講架地架時候入市。
應重新思考和認識投資
如果是這樣，你就更加要重新思考和認識投資，之後才再投資新資金﹐咁會較穏當。組合調整方面，由於佢地唔係完全無質素，不過風險大，建議你減持部份。若你是年青至中年人士，可換至平穏增長股，令你組合更平衡。同時，長線加入一些港股，去平衡地區性風險。
以下是一些具質素的平穏增長股，你可以參考下︰
例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
緊記提升自己投資知識
最後，緊記提升自己投資知識。因為長線投資回報，係必然同你架知識水平成正比。我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
