【理財個案】讀者：龔成老師你好！本人50歲，有450萬現金， 大約160萬股票，但係都係蝕錢中，如果加埋強積金保險公積金大約有一千萬，每個月嘅被動收入大概$16,000。請問如果呢個狀況。
理財個案｜想盡快過退休生活
係咪算做財務自由？因為本人想盡快過退休生活做其他工作以外嘅嘢，請問可以怎樣增加被動收入？如果唔計稅項，每個月嘅支出連埋供保險大約20,000。
擔心退休後醫療費用＋兒子大學費用
不過擔心沒有工作之後醫療係一個負擔，到時醫療費用都會增加，要儲備一啲錢做醫療費用。還有兒子嚟緊嘅大學費用，請給我一些建議，謝謝你
龔成老師分析︰被動收入要大於你日常支出
財務自由既定義是你的被動收入大於你既日常支出，而不是你有一大舊現金。以咁既理解，你的每月支出大約$2萬，但被動收入只有$1.6萬。因此，你仍然未達到財務自由。
所以，你現在要做有3件事︰
- 我地喺做投資增值之前，要先做好防守的部分。因此，保險是其中一個選擇。如果你擔心自己退休之後的醫療保障不足，可以先咨詢你信任的保險經紀，買到足夠的保障就可以。
- 如果你大仔會在短期內升學，同時你可以利用現時的儲蓄做一些保本的投資（例如：定期等）來確保將來兒子升學有足夠的資金應付。
- 就係增加被動收入水平，由於你本身已經有一定現金和股票在手。
只需400萬可創造每月2萬被動收入
我以股息率6%計，你只需要400萬，就可以創造每月2萬被動收入。因此，你可以用現有資金，去開始進行部署。首先，你要將股票種類，慢慢轉換成收息股，去創造股息收入。以下都是具質素收息股，你可以參考下，再慢慢儲貨︰
收息股：
例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
可以考慮債券(A級)、年金、定息產品
最後，你可以考慮在被動收入組合中，加入一些債券(A級)、年金、定息產品，去令佢更多元化。同時間，保留一定現金，以備不時之需。
以上就是你部署財務自由組合的大方向，但不建議一次過買入，最好分注，以平衡買貴貨風險。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
